Ymchwil ac Arloesi
Mae ymchwil ac arloesi yn helpu i wella iechyd y cyhoedd a gwybodaeth sy’n gwella gofal cleifion.
Mae ymchwil ac arloesi yn helpu i wella iechyd y cyhoedd a gwybodaeth sy’n gwella gofal cleifion, yn ogystal â datblygu triniaethau yn y GIG a gwneud gwahaniaeth i fywyd pobl.
Mae Ymddiriedolaeth GIG Prifysgol Felindre yn cael ei chydnabod yn rhyngwladol am ei gwasanaethau eang, sy’n aml yn gymhleth ac yn arbenigol iawn, ei thechnoleg o’r radd flaenaf, ei staff clinigol ac anghlinigol medrus iawn a’i hymchwil arloesol.
Mae ein portffolio yn cynnwys gofal rhoddwyr gwaed, meddygaeth trallwysiadau a thrawsblannu, treialon clinigol canser, astudiaethau gofal lliniarol a chefnogol ac ymchwil ac arloesedd mewn gofal iechyd.
Ymchwil yng Ngwasanaeth Gwaed Cymru
Hyrwyddo gwasanaethau gwaed a thrawsblannu drwy ymchwil a chydweithio.
Ymchwil yng Ngwasanaeth Canser Felindre
Wrthi’n gwneud gwahaniaeth i ofal canser nawr ac yn y dyfodol.
Arloesi yn yr Ymddiriedolaeth
Gwella canlyniadau i gleifon a gwella profiadau rhoddwyr.
Mae arloesedd wrth wraidd ein gwaith yn Felindre. Rydym yn cael ein gyrru gan ddiwylliant sy’n annog meddwl yn greadigol a mynd ar drywydd dulliau newydd i wella canlyniadau i gleifion, staff a’r gymuned ehangach. Mae Felindre yn hyrwyddo mabwysiadu a datblygu atebion arloesol, boed hynny drwy drawsnewid digidol, gweithredu technoleg, ailgynllunio gwasanaethau, neu feithrin amgylchedd dysgu lle gellir profi a graddio syniadau. Rydym yn canolbwyntio ar wneud gwir effaith drwy nodi heriau, cefnogi syniadau gwych, ac adeiladu ar yr hyn sy’n gweithio, bob amser gyda’r nod o ddarparu’r gofal gorau posibl. Dyfarnwyd Felindre gyda nod barcud ac ardystiad System Rheoli Arloesi ar gyfer ei system rheoli Arloesi ISO 56001 ym mis Mawrth 2026 – y tro cyntaf yn y byd i sefydliad iechyd.
Mae cydweithio yn ganolog i’n dull arloesi. Rydym yn gweithio’n agos gydag amrywiaeth o bartneriaid, gan gynnwys sefydliadau academaidd fel Prifysgol Caerdydd, Hwb Gwyddorau Bywyd Cymru, Gwasanaeth Genomeg Feddygol Cymru Gyfan, Partneriaid Iechyd Caerdydd, MediWales a llawer o rai eraill. Mae ein cydweithrediadau’n ymestyn i’r GIG, ac amrywiol bartneriaid diwydiant sy’n ein cefnogi i dreialu technolegau ac ymchwil newydd. Mae’r partneriaethau hyn yn dwyn ynghyd arbenigedd ac adnoddau amrywiol, gan ein helpu i aros ar flaen y gad o ran arloesi ym maes gofal iechyd.